მზვაობრობა


  •  ნუ მიბაძავ ფარისეველს, რომელიც ყველაფერს სხვების დასანახად აკეთებდა.
  • ნუ შეიმოსები სამოსით, რომელსაც მზვაობრობისაკენ მიჰყავხარ. (წმ. ანტონი დიდი)
  • გაექეცი ცუდმედიდობას- დამომავალ საუკუნეში ღმრთის დიდებასთან ზიარების ღირსი შეიქმნები. (ღირსი აბბა ესაია)
  • კაცთაგან დიდების ძიება დამადა სტურებელია ურწმუნოებისა და ღმრთისაგან განშორებისა. (წმ. ბასილი დიდი)
  • რისთვის განიხილავ შენს სათნოებებს და გამოჰფენ საჩვენებლად? ნუთუ არ იცი, რომ თკი საკუთარ თავს შეაქებ, ღმრთისაგან ვეღარ იქნები ქებული.
  • ყოველთვის გავექცეთ ცუდმზვაობრობას  - ამ ნადირს. იგი სხვადასხვა გვარისა და სახისაა და თავისშხამს ყველაფერზე ანთხევს - საგანძურზეც, სიამოვნებაზეც და სხეულის სილამაზეზეც. მის გამო ჩვენ ჩვენ ყველგან ვარღვევთ აუცილებლობის საზღვრებს, უგულვებელვყოფთზომიერებას - სახლებშიზ, ტანსაცმელშიც, სუფრაზეც, და ფუფუნებბა ბატონობს. დიდი ტკბობა გვსურს? გაეცი მოწყალება, და შეგაქებენ ანგელოზები, განგადიდებს ღმერთი.
  • დიდების მონა ვერ იქნება მონა ღმრთისა. (წმ. იოანე ოქროპირი)
  • ცუდადმზვაობრობასა და ამპარტავნებას შორის იგივე განსხვავებაა, რაც ყრმასა და კაცს შორის... რადგან ცუდადმზვაობრობა - დასაწყისია, ხოლო ამპარტავნება - დასასრული.
  • ყოველი კაცი , რომელსაც თავის გამოჩენა უყვარს, ცუდადმზვაობარია. მისი მარხვა უსასყიდლოა, ლოცვა - უსარგებლო, რამეთუ ორივეს კაცთამიერ ქებისთვის აღასრულებს.
  • არის ერთი მატლი, რომელიც გაიზრდება, ფრთებს შეისხამს და მაღლა აფრინდება. ასევეა ცუდადმზვაობრობა - როდესაც სისრულეს მიაღწევს, შობს ამპარტავნებას,რომელიც ყოველი ბოროტების დასაბამი და სრულმყოფელია. (წმ. იოანე სინელი)
  • ყველაზე დაფარული სულიერი ვნება მზვაობრობაა, ეს ვნება ყველა სხვაზე მეტად ინიღბება ადამიანის გულის წინაშე და ანიჭებს მას სიამოვნებას, რომელსაც ხშირად სინდისის ნუგეშინისცემად, საღმრთო ნუგეშინისცემად აღიქვავენ. (წმ. მღვდელმთავარი ეგნატე ბრიანჩანინოვი)
  • სხეულის შემკობა სულის დაღუპვაა. (ღირსი აბბა ესაია) 
  • ცუდადმზვაობრობის მკვლელი დაფარული მოღვაწეობაა, ხოლო ამპარტავნებას შეურაცხოფის არავისთვის მიყენება განდევნის.
  • ცუდადმზვაობრობის თვისებებია მაჩვენებლობა და ორგულობა, ხოლო ამპარტავნობისა - შეურაცხყოფა და მრისხანება, (წმ. აბბა თალასე)


No comments:

Post a Comment